Home | Columns | Poetry | Opinions | Biography | Photo Gallery | Contact

Friday, January 23, 2009

Tale of a macabre country

Holiday International
Some of the Pakistani newspapers have quoted a particular news agency stating that according to a recent release by World Health Organisation two hundred sixty-two thousand people were killed in 1971 Bangladesh War of Independence. Although I could not get hold of any such report on the Internet, yet the news item provides an opportunity to do some stocktaking.
The emergence of Bangladesh draws an analogy at least in one aspect with 1857 upheaval. What for the Subcontinent was the war of independence was mutiny to British historians. While to Bangladeshis the 1971 event was the War of Independence, Pakistanis term as "separation of East Pakistan".
Today when we look back, tragic paradoxes dominate the scene. Take for example Muhammad Ali Jinah's speech at Dhaka in which he declared Urdu as the only national language of Pakistan. Whosoever drafted that speech was either unaware of cultural and linguistic history of East Bengal or was not sincere to his boss.
What the then West Pakistanis could not comprehend was the fact that Bengali is a language richer and older than Urdu and was, since centuries, being used, unlike Punjabi, as medium of instruction and communication. That speech sowed the seeds of permanent distrust between two wings.
Adoption of both Urdu and Bengali as national languages was the only logical solution of the issue. In Canada, for example, only one province is French speaking but French is accepted as a national language, besides English, by the entire country. Switzerland has three national languages. The irony is that in the leftover Pakistan, even today, after sixty years, Urdu is yet to occupy its promised seat at Centre as well as Provinces. Bengali, on the other hand, has been treated with far greater reverence in Bangladesh.
Field Marshall Ayub Khan's ten years' dictatorial rule had eroded much of the already decomposed national integration. His successor, General Yahya Khan, drove the last nail in the coffin of united Pakistan.
I remember during my student days at Dhaka University, Bengali class fellows used to ask sarcastically as to when the turn of a Bengali General would come to rule the country from the throne of Islamabad? Not even in a remote future".

Military rule
The never ending military rule diffused a deep, irreparable despondency all over in the eastern part of the country. There was no light at the end of tunnel. This turned the intelligentsia hostile.
I can not forget the taunt with which my hostel-warden at the Mohsin Hall of Dhaka University regretted to accept the cheque for university fee telling me "We are small people - we don't deal with cheque."
Variance in land ownership patterns was another decisive factor. There were no feudal lords in East Pakistan, whereas West Pakistan was a vast green pasture for land Czars including privileged members of the notorious Unionist Party which, one fine morning on the eve of Partition, had found themselves safe in the sanctuary of Muslim League.
The majority province, East Pakistan, ultimately seceded. This was unprecedented in the history. Small chunks always had been bidding farewell to the main lands but here it was a unique case. The biggest province of the then Pakistan, East Pakistan, which had a grand struggle for the achievement of Pakistan to its credit broke away after waging a War of Independence.

No soul-searching
It is a pity that no soul-searching is being carried out in the leftover Pakistan. The million-dollar question which deserves reply is whether the objective for which Pakistan was fought and won has been achieved. There is a complete lack of consensus as far as the objective is concerned. The upper crust maintains that Pakistan was created to provide opportunity for Muslims to live without economic domination of the Hindus. The masses, however, claim that the chunk of land was broken away from the mainland to implement principles of Islam.
Notwithstanding the fact that poet Asghar Sodai -- he breathed his last recently -- who had coined the popular slogan, "Pakistan ka matlab kia?- La-ilaha illallah" [What is the meaning of Pakistan? -- There is no god but God ]was neither a member of the then Muslim League (ML) nor the ML officially owned this catchword.

Whither Islamic State?
We assume, for the sake of argument, that founding fathers, indeed, had intention to make it a state wherein Islam, in letter and spirit would be practised as a way of life at national as well as individual levels. Unfortunately the present-day Pakistan has no compatibility with the cannons of Islamic State. The "Sardari" system of Baluchistan, the fiefdom prevailing in Sindh and South Punjab, the heterogeneous and chaotic education system, based mainly on class-distinction, and the dynasties monopolising the elected bodies are some of the features of present-day Pakistan which can hardly be accepted by any version of Islam.
But the most unfortunate is the sectarian strife which has completely destroyed the fabric of state as well the society. If, at all, Islam is being implemented, it is confined to a particular brand interested only in size of beard, colour of turban, length of shirt, visibility of ankles, burning female education institutes, blasting barbers' shops, destroying video centers and slitting throats of fellow-Muslims. Those who attribute creation of Pakistan to the cause of establishing an Islamic State must do some soul-searching whether the so-called objective has been achieved.

Women humiliated
That Pakistan was created for economic emancipation of the Muslims is a more shattered dream. Pakistan's economy is in a shambles.
Fortified permanently in glasshouses of Planning Commission and Finance Ministry, the well-fed baboos, have been aping Harvard and John Hopkins models and parroting phantasmagoria of per capita income and growth rate.
"Brains" behind the Cotton Policy or Wheat Policy have never seen cotton or wheat crops during their entire careers. What fruit the common man is reaping? A massive load-shedding programme several times every twenty four hours, a virtually non-existent purchasing power, thousands of roofless public sector schools where students bring their own empty sacks of jute or plastic to bottom themselves on hard ground, the lowest literacy rate in South Asia, women forced to march naked in streets every now and then, an anachronistic but free jirga system running parallel to the shackled Judiciary, an ever rising poverty line and teeming millions of youth running from pillar to post to get jobs that are below their academic qualifications.

Huge slaughterhouse
Above all, Pakistan has turned into a huge slaughterhouse. Anybody can be slain any time anywhere on parochial, linguistic or sectarian basis. Car jacking and kidnapping for ransom have been accepted by all concerned as order of the day. A small but all-powerful minority is enjoying a lifestyle known only for despots of Middle East and criminals of Latin American banana republics.
This is one country where your jet set living will never be probed into whether it is offshoot largesse of Commission in Arms purchase or some other crime hidden behind the fortune. So much for emancipation from economic hegemony of Hindus!
Reverting back to emergence of Bangladesh, whether it was outcome of a war of independence or a separation movement , the basic question which every Pakistani must ask himself is:
Have Bengalis missed anything by breaking away?

Tuesday, January 20, 2009

بھیتر بھیتر آگ

پانچ سال صرف پانچ سال۔ جو شیرشاہ سوری کو وقت کے بے کنار خلا سے میسر آئے۔ آخر کیا حیثیت رکھتے ہیں۔ مجید امجد کے بقول…؎
زمانے کی پھیلی ہوئی بیکراں وسعتوں میں یہ دوچار لمحوں کی میعاد
طلوع و غروب مہ و مہر کے جاودانی تسلسل کی دوچار کڑیاں
یہ لمحۂ مختصر جو مری زندگی میرا زادِ سفر ہے
یہی کچھ ہے لے دے کے میرے لئے اس خراباتِ شام و سحر میں یہی کچھ
لیکن ان پانچ سالوں میں جو کچھ شیرشاہ سوری نے کر دکھایا‘ وہ اکبر اور اورنگ زیب کے پچاس‘ پچاس سالوں‘ شاہ جہان کے اکتیس اور جہانگیر کے بائیس سالوں پر بھاری ہے۔ شاید ہی تاریخ کا کوئی ایسا طالب علم ہو جس کے ذہن میں‘ شیرشاہ سوری کے عہد کا جائزہ لیتے ہوئے یہ خیال نہ آیا ہو کہ اگر اس افغان کو بھی پچاس سال مل جاتے تو کیا عجیب آج کا برصغیر مختلف ہوتا۔ میرے ناقص علم کیمطابق افغانوں کے پلے سوائے ان پانچ سال کے اور کچھ ہے بھی نہیں جس پر وہ فخر کرسکیں۔
اُسکے بہت سے کارناموں سے قطع نظر (جن کے بیان کا یہ موقع نہیں) ایک کارنامہ ایسا ہے جو آج بہت یاد آ رہا ہے اور بری طرح یاد آ رہا ہے۔ شیرشاہ سوری اس معاملے میں حد درجہ حساس تھا کہ اسکے لشکروں کی نقل و حرکت کے دوران کھڑی فصلیں تباہ نہ ہوں۔ وہ فصلوں کا خود معائنہ کرتا اور گھوڑ سوار نگرانی کرتے کہ کوئی ایک شخص بھی نقصان کا باعث نہ بنے۔ اگر کوئی ایک سٹہ‘ ایک خوشہ بھی توڑتا یا خراب کرتا تو شیرشاہ اس کے کان کاٹ ڈالتا۔ خوشہ اسکے گلے میں لٹکاتا اور پوری لشکر گاہ میں پھراتا نتیجہ یہ نکلا کہ لشکری خود پہرہ دیتے کہ مبادا‘ کسی دوسرے کے کرتوت اُنکے کھاتے میں پڑ جائیں۔ شیرشاہ نے دشمن کے علاقے میں بھی کھیتوں کی حفاظت کی۔ اس نے کسانوں کو کبھی بھی قیدی نہیں بنایا۔
اب یہ خبر دیکھئے کہ ملتان میں مسلم لیگ (ق) کا جلسہ تھا جو جنرل مشرف کے عہد میں زراعت کے وزیر جناب سکندر بوسن نے منعقد کیا۔ اس مبارک عہد کا ذکر کرتے ہوئے اپنا شعر یاد آ گیا ہے…؎
میں تمہارے عہد کی برکتوں کا نشان ہوں
مرے سر پہ بُوم ہے زاغ ہے مرے ہاتھ میں
جلسہ ختم ہوا تو جلسہ گاہ کے قریب واقع دو ایکڑ پر محیط گنے کے کھیت پر اقتدار سے محروم مسلم لیگ نے حملہ کر دیا۔ سولہ کنال پر کھڑی گنے کی ہری بھری فصل دیکھتے ہی دیکھتے اُجڑ گئی۔ خبرنگار کا کہنا ہے کہ نہر کے کنارے بیٹھ کر قاف لیگ کے ارکان گروہوں کی صورت میں گنے چوستے رہے۔ کھیت کے سیاہ بخت مالک نے ’’نامعلوم‘‘ لیگیوں کے خلاف رپورٹ درج کرا دی۔
یہ ہے وہ عمومی ذہنیت جو بامشرف مسلم لیگ سے وابستہ ہے۔ ہو سکتا ہے اسکے جواب میں مسلم لیگی کہیں کہ پیپلزپارٹی والے بھی تو یہی کچھ کرتے ہیں لیکن پیپلزپارٹی والے یہ دعویٰ بھی تو نہیں کرتے وہ قائداعظم کی مسلم لیگ کے وارث ہیں !
یہ درست ہے کہ مسلم لیگ نون نے آٹھ سالہ آمریت کے دوران استقامت دکھائی اور اب بھی خاصی حد تک عوامی امنگوں کی ترجمانی کر رہی ہے لیکن یہ بھی تو قابل تردید حقیقت ہے کہ نون اور قاف کے دھارے ایک ہی دریا سے نکلے ہوئے ہیں اور یوں لگتا ہے کہ … آملیں گے سینہ چاکانِ چمن سے سینہ چاک … چند دنوں ہی کی بات ہے !
خبر میں ’’نامعلوم‘‘ لیگیوں والی بات معنی خیز ہے۔ اگر لیگی نامعلوم ہیں تو کیا لیگ خود ’’معلوم‘‘ ہے؟
اندازہ کیجئے … ایک ایسی جماعت جس کے سربراہ قائداعظم تھے جو فصل تو کیا … ایک چھلکا بھی ناجائز کھانا اپنے اوپر حرام سمجھتے تھے جن کی دیانت کا بدترین دشمن بھی انکار نہیں کر سکتے۔ اُس جماعت کے ارکان دن دہاڑے ڈاکہ ڈالتے ہیں اور اُسکے قائدین کے کانوں پر جوں تک نہیں رینگتی ۔ چشم تصور دیکھ رہی ہے مسلم لیگ قاف کے لیڈروں کو اس ڈاکے کی اطلاع دی گئی تو انکی باچھیں ایک کان سے دوسرے کان تک پھیلیں اور انہوں نے کہا … تو پھر کیا ہوا‘ جلسوں میں اور سیاست میں یہ تو ہوتا ہی رہتا ہے۔‘‘ یہی وہ فیوڈل ذہنیت ہے جو عورتوں کی آبرو ریزی پر کہتی ہے کہ کیا ہوا‘ آخر نوجوان لڑکے اس طرح کرتے ہی رہتے ہیں۔
خبر میں ایک اور نکتہ ہے اور وہ یہ کہ جناب سکندر بوسن زراعت کے وزیر تھے۔ ثابت ہوا کہ وہ اب بھی زراعت کے انچارج ہیں اور اپنے کارکنوں کو تازہ اور خالص خوراک فراہم کر رہے ہیں۔ یہ ہے وہ مسلم لیگ جو نوازشر یف کی مسلم لیگ میں شامل ہونے کیلئے بے تاب ہے۔
دیکھئے دس بار وردی کو منتخب کروانیوالے اور وردی کیخلاف خم ٹھونک کر کھڑے ہونیوالے ایک دوسرے میں کب ضم ہوتے ہیں۔ زیرو … ہیرو کی طرف بڑھ رہا ہے تاکہ ہیرو … زیرو ہو جائے۔ صفر سے جو رقم ضرب کھاتی ہے جتنی بھی خطیر کیوں نہ ہو … صفر ہی ہو جاتی ہے۔
ہم نیک و بد حضور کو سمجھائے دیتے ہیں
مانو نہ مانو جان جہاں! اختیار ہے
جناب سکندر بوسن کے ماموں جناب غلام حسین بوسن سول سروس کے نیک نام افسر تھے۔ انتہائی دیانت دار‘ عجز و انکسار کے پیکر اور نیک نام۔ عین شباب میں انتقال کر گئے۔ نہ جانے کیا بات ہے‘ جناب سکندر بوسن کے عہد اقتدار میں جناب غلام حسین بوسن مسلسل یاد آتے رہے اور یاد کیساتھ حیرت اور پریشانی بھی رہی!
جس معاشرے میں دن دہاڑے کھڑی فصلیں اُجڑ جائیں‘ وہاں ماہین غوری کو کون پوچھے گا‘ جو آئی بی اے کراچی میں پروفیسر ہیں۔ ماہین غوری کا قصہ یہ ہے کہ وہ 14 جنوری کو شام کے آٹھ بجے کراچی یونیورسٹی روڈ پر جا رہی تھیں۔ گاڑی کی پچھلی نشست پر انکی بیٹی اور والدہ بیٹھی تھیں۔
اردو کالج کے سامنے دو موٹرسائیکل سوار نوجوانوں نے گاڑی کو روکا ان میں سے ایک نے ریوالور کھڑکی کے شیشے پر مارا اور شیشہ نیچے کرنے کو کہا۔ شیشہ نیچے ہونے پر پہلے تو اس نے گاڑی کی چابیاں نکالنے کی کوشش کی اس میں ناکامی ہوئی تو ریوالور کا نالی ماہین غوری کی ٹھوڑی پر رکھی اور ساتھ پڑا ہوا بیگ اٹھا لیا۔ پھر وہ دونوں غلط سائیڈ پر موٹرسائیکل چلاتے‘ نیپا چورنگی کی طرف چلے گئے۔
اتنے میں ٹیلی فون کی گھنٹی بجنے لگی اس وقت ماہین غوری کو معلوم ہوا کہ ڈاکو جب بیگ اٹھانے جھکا تو اُس کا موبائل فون گاڑی میں گر گیا۔ عزیز بھٹی پولیس سٹیشن پہنچنے تک بارہ کالیں آ چکی تھیں۔
یہ ساری کالیں 0344 - 2412 - 480 سے آئی تھیں۔ موبائل فون اے ایس آئی فریدالدین کے حوالے کیا گیا جس نے بار بار فون کرنیوالے سے بات بھی کی۔ پروفیسر صاحبہ نے اے ایس آئی سے کہا کہ وہ فون کرنیوالے کو بلائے اور بیگ واپس دلائے لیکن ایسا نہ کیا گیا۔
تادم تحریر ڈاکو نہیں پکڑے گئے حالانکہ موبائل فون پر بار بار فون کرنیوالے سے پولیس کی بات بھی ہوئی اور نمبر تک بھی آسانی سے پہنچا جا سکتا تھا !
ہم بجھے دل کیساتھ پروفیسر صاحبہ کی خدمت میں گزارش کرنا چاہتے ہیں کہ کیا انہیں پاکستان پولیس کی شہرت نہیں معلوم ؟ آخر وہ کس برتے پر پولیس سٹیشن گئیں اور کیا انہیں نہیں معلوم کہ پروفیسر‘ ڈاکٹر‘ انجینئر اور سائنس دان اس ملک میں نہیں ٹھہرتے؟
وہ وقت قریب آ رہا ہے جب اس ملک میں صرف جاگیردار اور اسمبلیوں میں بیٹھنے والے ’’اشرافیہ‘‘ کے ارکان باقی رہ جائیں گے۔ ماہین غوریوں کیساتھ جو کچھ ہو رہا ہے‘ وہ تو یہاں کا معمول ہے !
یہ ملک سیاست دانوں‘ جرنیلوں اور افسر شاہی کے اُن ارکان کی لونڈی بنا دیا گیا ہے جو ہر سیاست دان کو خوش رکھنے کا ہنر جانتے ہیں۔ جسے اپنا چھینا گیا بیگ چاہئے وہ کسی مہذب ملک کا ویزا لگوائے…؎
بھاگ مسافر میرے وطن سے‘ میرے چمن سے بھاگ
اُوپر اُوپر پھول کھلے ہیں بھیتر بھیتر آگ

Wednesday, January 14, 2009

خطرے کی کوئی بات نہیں

نامعلوم مقام پر یہ اجلاس کئی گھنٹوں سے ہو رہا تھا۔
دروازے آہنی تھے، کھڑکیاں بند تھیں، برآمدوں پر جگہ جگہ سنگین بردار پہریدار کھڑے تھے۔ فصیل کے اوپر برج تھے اور ہر برج پر توپ نصب تھی۔ چڑیا پر نہیں مار سکتی تھی۔ مکھی کے بھنبھانے کی آواز بھی دھماکہ لگتی تھی۔ بڑے سے بڑا منصب دار بھی روکا جا رہا تھا، اجلاس کئی گھنٹوں سے جاری تھا۔
بھارتی اور امریکی مندوب اسرائیل کے نمائندے پر برس رہے تھے۔ ان کا موقع واضح تھا۔ اسرائیل کو انتظار کرنا چاہئے تھا۔ فلسطینیوں پر حملہ کرنے کا یہ کون سا وقت تھا؟ یہ سراسر حماقت کا ارتکاب تھا۔ بھارتی اور امریکی مندوب اسرائیل کو سمجھانے کی کوشش کر رہے تھے کہ دن دیہاڑے کھلم کھلی جارحیت کا ارتکاب کر کے اسرائیل نے سارے منصوبے پر پانی پھیر دیا تھا۔ منصوبے کا مرکزی نکتہ یہ تھا کہ شب خون مارے جائیں، ہر کام چھپ کر کیا جائے تاکہ مسلمانوں کو متحد ہو نے کا موقعہ نہ ملے۔ وہ غافل ہی رہیں پھر جب سب کچھ کھوکھلاہو جائے تو آخری وار کیا جائے اور آخری وار کا وقت ابھی نہیںآیا تھا۔ غزہ پر چڑھائی کر کے اسرائیل نے سارے پلان کو خطرے میں ڈال دیا ہے۔ پوری دنیا میں مسلمان متحد ہو رہے ہیں۔ ہر ملک میں ہر شہر میں بھارتی، امریکی، اسرائیلی مکروہ اتحاد کی مذمت کی جا رہی ہے۔ یہ اتحاد خطرے کی علامت ہے اگر مسلمان اس طرح متحد ہو گئے تو منصوبہ دھرے کا دھرا رہ جائیگا۔ مسلمانوں کے اتحاد کو ہر قیمت پر روکا جانا چاہئے۔
اسرائیل کا نمائندہ کئی گھنٹوں سے بھارتی اور امریکی مندوبوں کی تقریریں سن رہا تھا۔ اسکے چہرے پر کوئی تاثر نہیں تھا سوائے ایک تاثر کے اور وہ تاثر اطمینان کا تھا۔ مکمل اطمینان مکمل آسودگی!جب دونوں اپنے اپنے نکات ختم کر چکے تو اسرائیل کے مندوب نے کافی کا گھونٹ بھرا سگار سلگایا اور اپنے دونوں ساتھیوں سے مخاطب ہوا۔
میں تم دونوں کی تشویش اور خلوص کی قدر کرتا ہوں۔ بھارت اور امریکہ سے بڑا اسرائیل کا دوست آخر کون ہو سکتا ہے؟ آخر امریکی یہودی اور بھارتی ہندو سے بہتر اتحاد اسرائیل کو کہاں میسر آ سکتا ہے؟ یہ تو اسرائیل کی خوش بختی ہے کہ مسلمانوں کیساتھ جنگ میں امریکہ اور بھارت اسکے شانہ بشانہ کھڑے ہیں لیکن میں اپنے بھارتی اور امریکی دوستوں کو یقین دلاتا ہوں۔
اسرائیلی مندوب نے پہلو بدلا، اپنے کاغذوں کو دیکھا اور بیان جاری رکھا۔
’’آپ نے مسلمانوں کے اتحاد کی بات کی ہے۔ میں اس سے اختلاف کرتا ہوں اور ادب کیساتھ عرض کرتا ہوں کہ کون سا اتحاد؟ آپ کس اتحاد کی بات کر رہے ہیں؟ چند کمزور مسلمانوں کے احتجاجی جلوسوں کو امت مسلمہ کا اتحاد سمجھ لینا کہاں کی دانش مندی ہے؟ یہ جلوس بھی چند اسلامی ملکوں میں نکل رہے ہیں۔ سب میں نہیں۔ احتجاجی جلوس چند مذہبی جماعتوں کے سر پھرے ارکان، چند طالب علم اور چند علمائے دین نکال رہے ہیں۔ ان میں مسلمانوں کے طاقتور گروہ شامل نہیں۔ ان میں مسلمان ملکوں کے اہل اقتدار شریک نہیں، ان میں پالیسیاں بنانے والے نہیں دکھائی دیتے چنانچہ ان احتجاجی جلوسوں کی عملی دنیا میں کوئی وقعت ہے نہ حیثیت، ہماری افواج کی پیشقدمی کو اس قسم کے سینکڑوں کیا ہزاروں احتجاجی جلسے اور جلوس بھی ذرہ بھر متاثر نہیں کر سکتے‘‘۔
’’اسرائیل نے سب کچھ دیکھ بھال کر وقت کو مناسب جان کر ہی حملہ کیا ہے۔ اس وقت مسلمان جس زوال سے گزر رہے ہیں۔ اس سے بڑھ کر کوئی زوال نہیں ہو سکتا! آج اگر امریکہ کرہ ارض کا بلاشرکت غیرے بادشاہ ہے تو اس کی پشت پر تین چار سو سال کی محنت ہے۔ یہ چار سو سال امریکیوں نے صنعت و زراعت اور سائنس میں شدید محنت کر کے گذارے ہیں۔ ایجادات اور دریافتوں کا 80 فیصد حصہ امریکیوں کے کھاتے میں آتا ہے۔ اپنے بھارت کو دیکھ لیجئے، ساٹھ سال جمہویت میں کوئی رخنہ نہیں پڑا، اسکے مقابلے میں پاکستان چار فوجی آمر بھگتا چکا ہے اور ہر آمر نے اپنے پیشرو سے بڑھ کر پاکستان کو قعر مذلت میں گھسیٹا ہے۔ بھارت انفارمیشن ٹیکنالوجی میں یورپ کے ہم پلہ ہو چکا ہے پاکستان وہیں کا وہیں کھڑا ہے۔ پاکستانیوں کو صرف ایک فکر ہے کہ بھارت سے کرکٹ میں مار نہ کھائیں، انہیں کوئی پرواہ نہیں کہ تعلیم سائنس جمہوریت تجارت اور دوسرے عملی میدانوں میں پاکستان بھارت کی برابری کا سوچ بھی نہیں سکتا۔ چند خاندان ہیں جو پاکستان کی سیاست پر قابض ہیں اور چند رشتہ داریاں ہیں جو پاکستان کے منتخب اداروں پر چھائی ہوئی ہیں اور تو اور مذہبی رہنما بھی منتخب اداروں میں اپنی رشتہ دار خواتین کے سوا کسی کو آگے نہیں آنے دیتے۔ پاکستان میں میرٹ اور اہلیت کی اس قدر تذلیل ہے کہ اسکے ٹیکنوکریٹ ملک سے باہر جا کر عافیت محسوس کرتے ہیں اور سجدہ ہائے شکر ادا کرتے ہیں۔ انکے جو رہنما وعدے کر رہے ہیں کہ اقتدار میں آکر عوام کے بارے غم دور کر دینگے۔ انکے عوام کیساتھ تعلق کا اندازہ اس سے لگایا جا سکتا ہے کہ وہ سینکڑوں کنال کے گھروں میں رہتے ہیں اور انکے رات دن عشرت و انبساط میں گذرتے ہیں۔ میں اپنے دونوں ساتھیوں کو یقین دلاتا ہوں کہ مستقبل قریب تو کیا بعید میں بھی پاکستان کی کامیابی کا کوئی امکان نہیں اور سائنس اور ٹیکنالوجی میں اسکے نمایاں ہونے کا سوال ہی نہیں پیدا ہوتا۔ رہے عرب… تو آپ اسرائیل کیساتھ ان کا موازنہ کر لیجئے، کسی عرب سے کسی یورپی نے پوچھا تھا کہ تمہیں بارڈر پر ، جہاں زمینیں خلط ملط ہیں کیسے پتہ چلتا ہے کہ یہ علاقہ اسرائیل کا ہے اور یہ عربوں کا تو عرب نے جواب دیا تھا کہ بہت آسانی سے جو علاقہ ہرا بھرا سرسبز اور شاداب ہوتا ہے وہ اسرائیل کا ہوتا ہے اسرائیل میں جنگ کے دوران بھی انتخابات ملتوی نہیں ہوئے۔ کبھی آمریت بھی جمہوریت سے جیت سکتی ہے؟ مصری حسنی مبارک اور شامی اسد اور اس کے بیٹے کی تصویریں دیکھ دیکھ کر پاگل ہو چکے ہیں۔ مراکش سے لیکر خلیج کی ریاستوں تک چند خاندان ہیں جو مسلمانوں کی قسمتوں کا فیصلہ کرتے ہیں۔ اسکے مقابلے میں اسرائیل میں کتنے صدر بدلے اور کتنے وزیراعظم آئے اور اپنا اپنا حصہ اسرائیل کی طاقت میں ڈال کر رخصت ہوئے!
مجھے ہنسی آتی ہے کہ تم ان مسلمانوں سے خائف ہو جنکے پاس ایک یونیورسٹی بھی ایسی نہیں جو دنیا کی ایک ہزار بہترین یونیورسٹیوں میں گنی جا سکے۔ انکی ترجیحات کا یہ عالم ہے کہ بش پر جوتے پھینکنے والے منتظر زیدی کو بحرین کا ایک باشندہ چھ دروازوں والی لیموزین کار پیش کر رہا ہے اور ایک سعودی اسکے جوتے کیلئے ایک کروڑ ڈالر خرچ کرنے کیلئے تیار ہے لیکن یہ لوگ تعلیم اور سائنس پر ایک درہم بھی خرچ کرنے کیلئے تیار نہیں اس سے بڑا لطیفہ کیا ہو گا کہ جو امریکہ نے پورے دو ملک ہڑپ کر چکا ہے اسکے مقابلے کیلئے انکے پاس ایک طیارہ، ایک ٹینک، ایک طیارہ بردار جہاز اور ایک سپر کمپیوٹر تک نہیں۔ پوری امت نے مشکل سے بش کیلئے دو جوتے نکالے ہیں جن سے بش کی تذلیل تو ضرور ہوئی لیکن امریکی طاقت کو کوئی فرق نہیں پڑا۔ انکی حالت تو یہ ہے کہ سوات میں پندرہ جنوری کے بعد لڑکیوں کی تعلیم پر مکمل پابندی عائد کر دی گئی ہے لیکن کیا مولانا فضل الرحمن اور کیا قاضی حسین احمد اور کیا اپنے بیٹے کو اپنی زندگی میں جانشین مقرر کرانے والے ڈاکٹر اسرار احمد کسی کو مذمت کی بھی توفیق نہیں ہوئی‘ کیا میرے بھارتی اور امریکی دوست ان مسلمانوں سے ڈر رہے ہیں؟ اسرائیلی مندوب نے سگریٹ کا آخری حصہ ایش ٹرے میں بجھایا اور کاغذ سنبھالتا ہوا، سلام کرتا ‘ باہر نکل گیا!

powered by worldwanders.com